Αμον Εσεν Κι Αν Κ' Ινουμε (ποντιακο)

Δημιουργός: jsimeof

Εκτύπωση από: http://www.stixoi.info

Άμον εσέν κι αν κ' ίνουμε
αμόν εμέν εφτάγοσε
εκεί που θέλω εγώ
γάλια γάλια θα φτάνοσε

Ατέν την συμβουλήν
εδέκε με ο πάπα’μ
και επέρατέν μαζί’μ
και εδέβα σην στράταν .

Να τερείς πουλί’μ
τεσόν τη δουλείαν
τέρεν τα δεβάσματά’σ
τεσόν την λογαρίαν

να τερείς αρνόπο’μ
τεσόν την δουλείαν
πρόσεξον τα πάρεάς
και τα λυκοφιλίας

Άμον εσέν κι αν ίνουμε
αμόν εμέν εφτάγοσε
απάν αφκά θα κλόσκουμε
αν κι επορώ να εφτάνοσε

σ’ αβούτεν τη ζωήν
πολλά θα συνταντάς
σην γιαγκούν* τσικάρι’μ
με τ’ άψιμον κι πας.

Να τερείς πουλόπο’μ
τεσόν τη δουλείαν
τέρεν τα δεβάσματά’σ
τεσόν την λογαρίαν

να τερείς αρνόπο’μ
τεσόν την δουλείαν
πρόσεξον τα πάρεάς
και τα λυκοφιλίας

Δημοσίευση στο stixoi.info: 30-06-2018