|
Στίχοι: Κωνσταντίνος Ανδρεάδης
Μουσική: Αθανάσιος Σωτηριάδης
Έρθες ψυ μ’ σο καρδόπο μ’
άγγελος με φτερόπα
εγόμωσες το ψιόπο μ’
Απρίλ’ μανουσιακόπα.
Έρθες άμον άνοιξην
σ’ έρημον την καρδία μ’
τσιτσιακοφορεμέντσα
έγκες οπίσ’ την ύϊα μ’ .
Κόρτσοπον δεκαέξ χρόνων
τα μαλλία σ’ δελιάουν
σε `σεν καρσί που έρται
τ’ ομμάτια τ’ χαντηλιάουν.
|
| | | | | | | Στατιστικά στοιχεία | | | | Δημοφιλία: - Αναγνώσεις: 4649 Σχόλια: 2 Αφιερώσεις: 0
| | | | | | |
|