Sta cala lu serenu delle stelle
Ca quista è la notte de rubare donne,
ci ruba donna nu sse chiama ladru,
se chiama giovanottu 'nnamuratu
Intra sta curte c'e' na fina perla:
passu, la reveriscu e nu 'mme parla
Ci ncete quarche amante'lla pretenda
dinni cu sse gira all'aura vanna.
Ca jeu me lu cumbattu cu 'lla scherma
perce' me l'ha promisa la soa mamma.
Beddha ca tie si 'ffatta cu 'lla pinna,
ci t'ha parata cu 'zzuccaru e panna.
Sia benedettu ci t'ha datu minna
ca lu latte ca te dese la toa mamma,
lu porti an bucca e no 'llu sputi mai.
Beddha beddha, ca tie lu sule pingi,
nu 'mme l'hai fare a mie sti cangi e scangi,
ca jeu no 'ssu limone cu me stringi,
e mancu portucallu cu 'mme mangi.